Argieffoto
Ontdek en uitvind word dikwels verwar. Ontdek dui op iets vind wat daar was, maar wat nie bekend was of waargeneem is nie. Uitvind dui op iets nuuts vind: Columbus ontdek dus Amerika, maar ʼn mens vind ʼn nuwe chemiese middel uit.
ontdek: te wete kom dat iets bestaan (goud is ontdek)
1 iets vind wat nog altyd daar was, maar waarvan niemand voorheen geweet het nie; te wete kom dat iets bestaan of so is: ʼn nuwe eiland/plantsoort/diersoort ontdek
2 kry/vind wat verborge is: ʼn fout ontdek
uitvind: vir die eerste keer vind hoe om te maak (televisie is uitgevind)
1 vir die eerste keer vasstel hoe iets nuuts gemaak/gebou/ens. kan word; uitdink: ʼn dodelike nuwe wapen uitvind
2 te wete kom, vasstel: Ek kon nie uitvind wat hy bedoel het nie