Argieffoto
Woord:
berus
Gebruik:
Berus saam met die voorsetsel in beteken om byvoorbeeld met ʼn besluit genoeë te neem, akkoord te gaan, dit te aanvaar of jou daarby neer te lê. Dit is nie wederkerend nie: ʼn Mens berus [NIE: berus jou] in die onvermydelike.
Berus saam met die voorsetsel by slaan op ʼn bevoegdheid, plig en verantwoordelikheid: Dit berus by ʼn leier om die geskikte besluite te neem (en dan moet die volgelinge daarin berus).
Saam met die voorsetsel op is berus sinoniem met gegrond of gebaseer: Die uitspraak berus op ʼn verkeerde aanname.