Argieffoto (Foto: Pixabay)
Woord:
sondebok
Betekenis:
Iemand wat vir alles die skuld kry: ʼn Sondebok van iemand maak. Hy is altyd die sondebok. Die sondebok van die familie.
Sondebok word toenemend gebruik vir “sondaar”, dit wil sê “iemand wat skuldig is”, in plaas van “iemand wat onskuldig die straf moet dra”, bv. Ons sal die sondebok nog kry. Al lyk hy so onskuldig, is hy die sondebok.
Die werklike skuldige is die sondaar, en die een op wie die skuld verkeerdelik gepak word en wat dus onskuldig is, is die sondebok.
Waar kom dit vandaan?
Bok wat by Israeliete op die Groot Versoeningsdag sinnebeeldig met die sonde van die volk belaai en die woestyn ingejaag is.